सारसबागेत जाताना १०-१५ पायऱ्या उतरून गेल्यावर एक माणूस बसतो....थोडासा कमी vison किंवा अंध म्हणू शकतो, तो फुकट भिक मागून पोट भरण्याऐवजी समोर एक वजन काटा ठेवून शेजारी एक कटोरा ठेवतो....
मी सिग्नलला येणाऱ्या भिकाऱ्याला आजवर कधी भीक दिलेली नाही, हात पाय धड असताना भिक मागणारे म्हणजे केवळ सवयीचे गुलाम आहेत.... हां, आता माझी गाडी एखाद्याने फडका मारून मग हात पुढे केला असेल तर तो मनुष्य १० ची नोट देखील घेउन जातो....सन्मानाने....... असो !
तर,
मी त्या माणसाकडे नेहमीच वजन करतो, मला अगदी माझे वजन तोंडपाठ असले तरीही..... २ रुपयांत केलेल्या त्या वजनामुळे त्या माणसाच्या चेहऱ्यावर येणारा किलोभर आनंद मला जास्त motivate करतो !
पण मागील आठवड्यात जेंव्हा स्वतःचे वजन ७५ च्या पुढे गेलेले दिसले तेंव्हा मात्र मी जरा सिरियस झालो, तो काटा कदाचित खराब समजून घरी आल्यावर घरच्या वजनकाट्यावर वजन करून बघितले तरी तोच रिझल्ट !!
मग मात्र ठरवलेच, आणि 'झटपट करोडपती व्हा' हे पुस्तक वाचून करोडपती होण्याची स्वप्ने पाहणाऱ्यांप्रमाणे, मी देखील इंटरनेटवरून 'झटपट वजन घटवा' योजनांचा शोध घेतला,आणि त्यातला सर्वाधिक लोकप्रिय GM Diet plan मिळवला.
सर्व फोकस खाण्यावर'च असल्यामुळे एकंदरित पाहून ७ दिवसांचा हा प्लॅन खरचं खडतर वाटला, पण स्वतःवर किती ताबा आहे ते पाहावे म्हणून हा प्लॅन चालू केला... अनेकांनी ह्याच्या साइड-इफेक्टस बाबतही सुनावले,पण मला काय कायम ही पद्धत अंगिकारायची नाहिये....
फक्त एकदा पाहावे करून !
आठवड्याभरात अनेका बाबी लक्षात आल्या, आपण दिवसभर किती चरत असतो ते देखिल पहिल्या २ दिवसांतच समजले...७व्या दिवसाच्या शेवटी मी २.५ किलो वजन घटवण्यात यशस्वी झालो... माझी निरिक्षणे खालीलप्रमाणे,
१) हा प्लॅन पुर्णत: खाण्यापिण्यावर अवलंबून आहे, परंतु त्या जोडिला थोडा लाईट व्यायाम देखील केला पाहिजे ! मी स्वतः ३ किलोमीटर ब्रिस्क वॉक घेत होतो रोज !
२) ह्या प्लॅन मुळे तुम्हाला फक्त 'फॅट रिडक्शन' मिळत नाही तर 'मास रिडक्शन होते' - म्हणजे अतिरिक्त चरबीसोबत तुमचे स्नायू देखील त्यामुळे फक्त पोट कमी होईल हा गैरसमज बाळगू नका !
३) हेवी वर्क-आऊट शक्यतो टाळा, कारण आपल्या बॉडी ला सगळे प्रोटिन-मिनिरल्स मिळत असताना GYM करणे वेगळे आणि डाएट प्लॅन चालू असताना वेगळे .... ह्या प्लॅन मध्ये अगदी लाईट व्यायाम करा जेणेकरून muscle pull, broken tissue सारखे प्रॉब्लेम्स येणार नाहीत आणि तुम्ही फिट रहाल !
४) वजनाची दररोज रिडिंग्स घ्या,३ ऱ्या दिवसानंतर नीट फरक जाणवेल.
५) इतर वेळीही, ह्या डाएट प्लॅन चे पहिले २ दिवस (फक्त फळे, आणि फक्त भाज्या) हे तुम्ही दर महिन्यातून एकदा करू शकता, त्याने तुमची यथोत्चित शरिरशुद्धी होऊ शकेल....
टीपः मी डॉक्टर नव्हे, किंवा तज्ञ तर मुळीच नाही, त्यामुळे वरिल बाबी ह्या संपुर्णपणे माझ्या अनुभवावरून लिहिलेल्या आहेत, कृपया त्या तुम्ही तुमच्या जबाबदारीवर TRY करा, प्रत्येक माणसाला वेगळे रिझल्ट मिळू शकतात..... उगीच मागाहून तक्रार ऐकून घेतली जाणार नाही .... किंबहुना ह्यावरून आकांडतांडाव किंवा आगाऊपणा केल्यास अपमान केला जाईल
ऑल द बेस्ट !!!
:)
ASHUTOSH DIXIT
No comments:
Post a Comment